Musharax Maxamuud Khaliif Xasan (Eng. Jebiye) oo u taagan tartanka Madaxweynaha Puntland 2019 ayaa xaflad si heersare ah lagu soo dhaweeyey magaalada Dubai ee dalka Isutagga Imaaraadka Carabta.
Eng. Jebiye oo ah Ganacsade caan ah ayaa u jeediyey khudbad soo jiidatey dadkii ka soo qaybgalay, waxaana uu ka sheekeeyey sooyaalkiisa taariikheed, waxaana ay salka khudbaddu ku haysey qiyamka Islaamka iyo isla xisaabtanka, sababta isaga soo kicisey in uu noqdo Musharax Madaxweynaha 2019.
Musharaxa xilka Madaxweynaha Puntland Maxamuud Khaliif Xasan ayaa si weyn uga mahadceliyey soo dhaweeynta milgaha iyo sharafta huwan ee jaaliyadda Imaaraadku u sameeyeen, taas oo uu sheegay in aanu hilmaami doonin.
In badan oo ka mid ah ka soo qaybgalayaasha ayaa sheegay markii ay qiimeeyeen khudbadda uu jeediyey Musharax Maxamuud Khaliif in ay tahay mid aan horey loo jeedin, marka la eego aqoonta uu u lee yahay diinta, ganacsiga, cilmiga maadiga ah iyo waaya aragnimadiisa, waxaana ay ugu duceeyeen in rabbi u fududeeyo tartanka.
https://www.flickr.com/gp/158309939@N02/MF3cZ5
Leave a Reply