Musharrax Jebiye oo hambalyo u diray guddoonka cusub ee Baarlammaanka Puntland

Musharraxa xilka Madaxwaynaha Puntland ee sannadka 2019 ayaa hambalyo u diray guddoonka cusub ee loo doortay Baarlammaanka shanaad ee Dowladda Puntland.

Musharraxa ayaa guul u rajeeyey Guddoomiyaha cusub ee Baarlammaanka Cabdixakiim Maxamed Axmad (Dhoobo) iyo labadiisa ku xigeen Cabdicasiis Cabdullaahi Cismaan iyo Ismaaciil Maxamad Warsame.

Saddexda mas’uul, wuxuu Eebbe uga baryey inuu ku asturo una fududeeyo xilalka culus ee loo dhiibay. Musharraxa ayaa kula dardaarmay in waajibaadka qaran ee loo idmaday ay si karti iyo hufnaani ku dheehan tahay u gutaan.

Mudaneyaasha Baarlammaanka Puntland, wuxuu iyagana ku ammaanay uguna hambalyeeyey sida xil-kasnimada ah ee quruxda badan ee guddoonkooda cusub ay usoo doorteen, isagoo ku boorriyey sidaas si lamid ah inay cidda munaasibka ku ah ugu doortaan Madaxwaynaha Puntland.