NOVEMBER 22, 2018 (SHEERBI) – Musharraxa xilka Madaxwaynaha Puntland ee sannadka 2019, Injineer Maxamuud Khaliif Xasan Jebiye ayaa lacag ugu deeqay dugsiga sare ee deegaanka Sheerbi ee gobolka Karkaar.
Musharraxu wuxuu ku deeqay $10,000 (toban kun oo doollar), lacagtaas oo loo adeegsan doono dhismaha deyrka dugsiga sare ee Sheerbi iyo kordhinta fasalladda ay ardaydu wax ku bartaan.
Bulshada degmada Sheerbi ayaa uga mahad celiyey Injineer Maxamuud Khaliif Xasan Jebiye kaalinta uu ka qaatay horumarinta deegaanka Sheerbi, iyagoo ballan qaaday in ay sii joogtayn doonaan taageerada ay u hayaan Ololaha Karti iyo Hufnaan.
Musharrax Maxamuud Khaliif Xasan Injineer Jebiye ayaa weli ku guda jira socdaalka uu ugu magac daray ‘Tashi iyo Tabasho’. Socdaalkan ayaa ah mid Musharraxu ugu kuur gelayo xaaladda guud ee dalka, islamarkaana uu kula tashanayo qaybaha kala duwan ee bulshada.
Leave a Reply