Janaayo 1, 2019 – Musharraxa xilka Madaxwaynaha Puntland ee sannadka 2019, Injineer Maxamuud Khaliif Xasan Jebiye ayaa xalay qorshe-siyaasadeedkiisa kusoo bandhigay munaasabad boqollaal qof kasoo qayb galeen oo ka dhacday hoolka shirarka ee Jaamacadda Bariga Afrika laanteeda Garoowe.
Musharraxa ayaa martida xafladda la wadaagay buug-yare lagu soo koobay hiigsiyada siyaasadeed ee Ololaha Karti iyo Hufnaan, isagoo xusay in qorshihiisu yahay mid aad looga baaraan degay, laguna saleeyey natiijada kasoo baxday cilmibaaris muddo bilo ah socotay oo lagu sameeyey xaaladda dhaqan dhaqaale ee Puntland.
Haddii loo doorto xilka Madaxwaynaha Puntland, Musharraxu wuxuu ballan qaaday in sida ay yihiin uu u fulin doono hiigsiyada tobanka ah ee lagu saleeyey qorshe-siyaasadeedkiisa, isagoo tilmaamay in ahdaaftaas sida ay u kala muhiimsan yihiin mudnaanta loo kala siin doono.
Halkan kala deg buug-yaraha Qorshe-siyaasadeedka Musharrax Maxamuud Khaliif Jebiye 2019 2023
Leave a Reply